قاضي قمرالدين

قاضي قمرالدين: ليکڪ ۽ اِنجينئر قاضي قمرالدين، ولد قاضي علي گوهر خان، 3 جون 1953ع تي نئين ديري، ضلعي لاڙڪاڻي ۾ جنم ورتو. اِبتدائي ۽ ثانوي تعليم نئين ديري ۽ لاڙڪاڻي مان حاصل ڪرڻ کانپوءِ 1974ع ۾ ’سنڌ يونيورسٽي اِنجينئرنگ ڪاليج ڄامشوري‘ مان اِليڪٽريڪل اِنجينئر جي ڊگري حاصل ڪئي، جڏهن ته 1986ع ۾ ’اين. ٽي. ٽي اِنسٽيٽيوٽ ٽوڪيو، جاپان‘ مان پوسٽ گريجوئيٽ ڊپلوما جو ڪورس ڪيو. 1975ع کان ’پاڪستان ٽيلي ڪميونيڪيشن لميٽڊ‘ (PTCL) ۾ جونئر اِنجينئر کان جنرل مئنيجر تائين مختلف عھدن تي رهندي، سال 2008ع ۾ رٽائرمينٽ ورتي. هن 1978ع کان لِکڻ جي شروعات اَخباري ڪالمن کان ڪئي. سندس لِکڻ جو موضوع اَدب ۽ تاريخ آهن. تاريخ جي حوالي سان شھر نئين ديري بابت سندس ڪتاب ’نئون ديرو، نوان پُراڻا ورق‘ جي نالي سان ڇپجي چُڪو آهي. هن وقت ’سيلف ايمپلوائڊ ٽيليڪام پروفيشنل‘ ۾ ڪيريئر ڪائونسلنگ سان وابسته آهي، جڏهن ته ’ڪئڊٽ ڪاليج لاڙڪاڻي‘ جي ’بورڊ آف گورنرس‘ جو ميمبر پڻ آهي.

داخلا ۾ استعمال ٿيل تاريخون

1953.06.03  عيسوي

ليکڪ ۽ اِنجينئر قاضي قمرالدين، ولد قاضي علي گوهر خان، 3 جون 1953ع تي نئين ديري، ضلعي لاڙڪاڻي ۾ جنم ورتو.

شخصيتون - ڀاڱي جون ٻِيون داخلائون